سعودی حکومت نے فضائی سفر کرنے والوں کے لئے اہم ہدایات جاری کر دیں

سعودی حکومت نے مسافروں کو دوران پرواز ای شیشہ رکھنے کی مشروط اجازت دے دی، مسافر اپنے ساتھ ای شیشہ لے کر جو جاسکتا ہے پر اسے استعمال نہیں کرسکتا۔

تفصیلات کے مطابق سعودی عریبین ایئرلائنز (السعودیہ) نے کہا ہے کہ مسافروں کو طیارے پر ای شیشہ اپنے ہمراہ لانے کی مشروط اجازت ہے جس کی پابندی انتہائی ضروری ہے۔

سعودی ذرائع ابلاغ کے مطابق السعودیہ نے تنبیہ کی ہے کہ مسافر اپنے ہمراہ ای شیشہ لا تو سکتے ہیں مگر اسے استعمال نہیں کرسکتے، ای شیشے کو سفر کے دوران بیگ میں ہی رکھنا ہوگا۔

السعودیہ سے استفسار کیا گیا تھا کہ آیا مسافر ای شیشہ طیارے پر اپنے ہمراہ لے جاسکتے ہیں، السعودیہ نے کہا کہ ای شیشہ لا تو سکتے ہیں مگر استعمال نہیں کیا جاسکتا جبکہ اس کی صفائی والی اشیاء اور متعلقہ سیال سامان لگیج میں ہی دیا جائے گا طیارے پر ساتھ نہیں لے جا سکتے۔

from سچ ٹی وی اردو - تازہ ترین خبریں https://ift.tt/3kvrnj5