میڈیا سے گفتگو کرتے ہوئے رحمن ملک نے کہاکہ اسلام ایک مکمل ضابطہ اخلاق ہے،پوری دنیا سے اپیل ہے کہ اسلام فوبیا کے لفظ پر پابندی عائد کر دی جائے۔
انہوں نے کہاکہ نیوزی لینڈ میں شہید ہونے والے مسلمانوں کا کیا قصور ہے؟دہشتگردی کا کوئی مذہب نہیں ہوتا، جہاں ہو قابل مذمت ہے، وزیراعظم نیوزی لینڈ کے شکر گزار ہیں جنہوں نے مسلمانوں کیساتھ اظہار ہمدردی کی۔
رحمان ملک نے کہا کہ ہارون شہید کا خاندان اگر پاکستان میت لانے کا کہے تو پیپلز پارٹی ضرور تعاون کریں گے ،سیکرٹری خارجہ سمیت تمام حکومتی ذمہ داران کا مکمل تعاون ہے۔
سینیٹر رحمان ملک نے کہاکہ جہادیوں کو افغانستان میں لڑانے کے لیے مغرب نے پیدا کیا، مغرب نے القاعدہ، طالبان اور داعش بنایا، اب خاتمہ خود کرے، کیا دہشت گردی کا صرف مسلمان سامنا کریں گے؟دہشتگرد ہر قوم اور ہر نسل میں موجود ہیں، اسلام کا دہشتگردی کیساتھ کوئی جوڑ نہیں،دہشت گردی کے خلاف سب کو ملکر لڑنا ہے۔ سینیٹر رحمان ملک نے کہاکہ سینیٹ میں قرار داد جمع کرائی ہے دنیا اسلامک فوبیا کا لفظ استعمال نہ کرے،حکومت پورے ملک میں چرچز کی سیکورٹی کو بڑھائے۔
from سچ ٹی وی اردو - تازہ ترین خبریں https://ift.tt/2CoQLTU
No comments:
Post a Comment